Barnaamij Dhaqaatiirta oo kaliya ay ‘isku shukaansadaan’ oo lasoo saaray!

MUQDISHO (HN) — Medico Life Partner waa barkulan ay isku shukaansadaan dhaqaatiir – hablo iyo inamo – isugu jirta halkaas oo dad badan ay ku eedeeyeen inuu dhiirrigelinayo isku-gaar noqoshada.

Haddii aadan horay uma maqal meel si gaar ah la isugu ururiyay dadka isku xirfadlayaasha ah oo lab iyo dhedig isugu jira? Medico Life Partner waa barnaamij isku jaada ama isku raadiya dhaqaatiirta calafdoonka ah. Qoraal ku saabsan howlgalkooda oo lagu daabacay website ama mareeg ay gaar u leeyihiin ayaa lagu sheegay in dhaqaatiirta ku kala nool degaannnada kala fogfog, kala diimaha iyo isirka ah inay iska diiwaangelin karaan. Laakiin farriintooda ilaa hadda waxay kaliya gaar ku tahay gudaha dalka Hindiya. Sababta oo ah dadka ugu badan ee xubnaha ka ah waxay kasoo jeedaan dalkaas.

Waxay leeyihiin dhowr nuuc oo isdiiwaangelin ah. Laakiin shuruudaha qaar waa inaysan kuu ogoleyn inaad aragtid xiriirka qofka kale iyo farriimaha u gaarka ah.

Guurka waa go’aanka ugu weyn ee qof uu noloshiisa qaato. Laakiin dad badan ayaa iltuhun ku eegaya saxnimada barnaamijkan oo mararka qaar la tilmaamayo in sooyaal-qofeed qaldan ay isku diiwaangeliyaan dadka kamid noqonaya.