Nin isku tilmaamay argagaxiso oo loo diiday Dal-ku-galka Maraykanka.

MUQDISHO — 70-jir u dhashay dalka Scotland ayaa iska qasaariyay fasaxiisa xagaaga uu ku tagi lahaa Maraykanka kaddib markii – isaga oo buuxinaya foomka codsiga fiisaha – uu isku sheegay inuu yahay argagaxiso.

John Stevenson iyo afadiisa Marion oo ku nool  Inverclyde, dalka Scotland, waxay qorsheynayeen inay dhammaadkan sannadkan fasax ku tagaan New York ayaa ku hungoobay helidda fiisaha kaddib markii waaxda socdaalka Maraykanka ay ku qabsatay ereyga argagaxiso oo uu isku tilmaamay.

In kasta oo la sameeyey dadaallo lagu muujinayo inuu qalad ka dhacay, haddana waa lagu gacan-seyray.

Sidaas darteed, lammaanahan ayaan dib u codsan karin fiisaha maadaama aysan hubin waligood in laga oggolaanayo in kale.