‘Baqtiga cun ama iska baahnow’ – Dugsiyada Faransiiska.

MUQDISHO (HN) — Heerka cadaadis iyo takoornimo ee ka jira Faransiiska wuxuu gaaray heer uu saameeyo saxamada carruurta Muslimiinta ah loogu soo guro cuntooyinka xilliyada ay joogaan dugsiyada wax-barashada.

Bixinta cunnooyinka lagu kariyay hilib doofaarka waxay ku kaliftay carruur badan oo Muslimiin iyo Yuhuudi ah inay waayaan doorasho kale oo u bannaan. Waxaana loo sheegay inay baqtiga cunaan ama ka baahnaadaan, sida ay kusoo warrantay Anadolou.

Maamulka ayaa ku andacoonaya inay tallaabtooda uga golleeyihiin dhaqangelinta siyaasadda cilmaaniyadda ee dalka u degsan. Waxaase weli taagan dood adag oo lagu diidayo cadaadiskaas.

Muslimiinta ayaa dalbanaya inay helaan cunnooyin xalaal ah oo ay ku qaadan karaan dugsiyada xilliyada ay joogaan.

Dadaallada socda ayaana u muuqda kuwo looga guuleysanayo kuwa Islaam naceybku madax maray.

2 bilyan dad ka badan oo Muslimiin ah ayaa cunnooyinka xalaasha ah quuta, waxaana soo raaca 500 oo milyan oo aan Muslimiin ahayn kuwaas oo ka caagan cunnooyinka xaaraanta ah.