Halyay Muslim ah oo gabar iyo hooyadeed ka badbaadiyay in la ‘toorreeyo’.

MUQDISHO (HN) – Cabdullahi oo ah ilaaliye xarun ganacsi oo ku taalla Leicester Square ayaa si geesinimo leh uga adkaaday nin ku hubeysan mindi uu doonayay inuu ku dhifto gabar 11 jir ah iyo hooyadeed oo la socota.

Durba markii uu maqlay qeyladooda ayuu si dhaqsi leh ugu booday ninka isaga oo dhulka ku celiyay si xoog leh ilaa boolisku kaga yimid.

“Waxaan maqlay qeylo daran,” ayuu u sheegay The Guardian. “Waxaana arkay nin da’aadda 30-jirka jooga oo la rooraya mindi. Waan ku booday aniga oo ku dhagaya gacantii uu ku sitay mindida ilaa aan dhulka ku hubsaday kana qaaday mindidii oo dhan.”

Wuxuu tallaabtiisan ku qeexay waajib ka saarnaa inuu badbaadiyo naf la dhibaatayn rabay. Ficilkiisu wuxuu badbaadiyay inantii yarayd oo dhaawac aan aad halis u lahayn uu soo gaaray.

“Waa waajib insaani ah in qof xaalad halis ah taagan la badbaadiyo,” ayuu yiri.