Muslimad loo diiday inay ka qeyb-gasho Tartanka maadaama ay xiran tahay Xijaab!

Jakarta (Himilonetwork) – Gabar indhool ah oo kamid aheyd kuwa u tartamaya ciyaarta judo ayaa heshay taageero shacbiyad leh kaddib markii laga diiday inay ka qeyb-gasho tartanka Asian Para Games maadaama aysan dooneyn inay iska siibto xijaabka.

“Halis walba oo jirta, marna lagama yaabo inaan iska siibo xijaabka,” ayay tiri Miftahul Jannah. “Waan murugoonayaa; waayo waxaan soo tabbaranayay muddo 10 bilood ah oo xittaa mararka aan awoodi waayay inaan gacmahayga wax ku qabsado.”

“Balse kaddib dadaal dheer, natiijadu ma waxay noqotay inaan lay idmin ka qeyb-galka tartanka?” ayay is weydiisay.

21 jirtan ayaa ilmo kusoo istaagtay labadeeda indhood markii garsooraha uu u sheegay inaysan ka qeyb-gali Karin tartanka maadaama aysan rabin in xijaabkeeda ay iska siibto.

Warar ayaa sheegaya in sharciga lagu diidayo xirashada xijaabka lasoo saaray maalin kahor inta aan la iclaamin furitaanka tartanka.

Dadka Induniisiya ayaa iskugu yimid inay taageero weyn la garab istaagaan inantooda horyaalka ah.

“Ku adkeyso go’aankada, kana qeybgal tartanka,” ayuu soo qoray mid kamid ah taageerayaasheeda.

“Waxaa tahay guuleystaha dhabta ah, xirnow xijaabkaada hana iska furin,” ayuu soo dhigay mid kale.

Related

RW Malaysia oo difaacay sababta uu Muwaadiniin Israeli ah uga mamnuucay dalkiisa.

MUQDISHO (HN) - RW Malaysia, Mahathir Bin Mohamad ayaa sheegay in dadka u dhashay dalka Israel aan loo oggolaan doonin in dalkiisa ay soo galaan, marka loo eego Walla! News. Hadalkan ayaa daba socda dhaleeceyn loo jeediyay dowladdiisa kaddib markii ka qeyb-galayaal u dhashay dalka Israel laga mamnuucay inay ka qeyb-galaan tartanka…

January 23, 2019

In "Dunida Muslimka"

Jeed-jeedsiga Jeenyo iyo Jilicsanaanta Xiriirka.

Muqdisho (Himilonetwork) - Todobo bil gudahood ayay kooxda LLPP Jeeyo labo mar ku dhawaaqday in ay iskaga baxday labada tartan ee ugu xiisaha badan kubadda cagta Soomaaliya. Bishii Maarso ee sanadkan ayay aheyd markii ay ku dhawaaqday in ay ka baxday tartanka horyaalka heerka koobaad oo markaas marayey halkii ugu…

September 19, 2017

In "Faallooyinka"

20-jir ku guuleystay Tartanka Qur’anka Sannadlaha ee Nigeria.

Lagos (Himilonetwork) - Wiil 20-jir ah oo ayaa ku guuleystay tartanka Qur'anka sannadlaha oo ka dhacay Katsina, waqooyiga dalka Nigeria - xilli madax-weynaha dalkaas uu Muslimiinta ugu yeeray inay qowlka Alle u adeegsadaan sida uu farayo. "Dhammaan diimaha Samaawiga ahi waxay na barayaan inaan ku wada noolaanno nabad iyo ixtiraam," ayuu…

March 5, 2018

In "Dunida Muslimka"