Kabtanka Nigeria oo Deeq wax-barasho siinaya 100 arday.

LAGOS (HN) — Kabtanka xulka Nigeria, Ahmed Musa ayaa ku dhawaaqay qorshe uu Jaamacadda kaga bixinayo ku dhawaad 100 arday kuwaas oo dhigta Jaamacad ku taalla magaalada Kano, dalka Nigeria.

“Waxaan wax-barashada u arkaa dhabbaha runta ah ee is-beddelka, sidaas wageed, waxa ii farxad ah inaan ku dhawaaqo qorshaha 100 arday aan kaga bixinayo deeqda wax-barashada jaamacadeed,” ayuu yiri.

Musa ma ahan markii ugu horreysay oo fal samafel ah uu ku dhaqaaqo.

Wuxuu qeyb ka noqday mashaariic samafal oo dhowr ah sida dhismaha xarun ciyaareed oo laga sameynayo Kano.

Waxaa sidoo kale uu xabsiga kasoo daayay maxaabiis qaan u xirnaa oo uu ka bixiyay lacagtii loo heystay.

Ramadaankii 2017-ka, wuxuu sidaas oo kale cunnooyin bisil iyo dharba u qeybiyay danyarta ku sugan Kano.