Q2aad: Ereyo iyo Oraahyo Jaceyl xanbaarsan.
Posted by: Himilo
in Dhanbaallada
May 18, 2020
640 Views
- Waxaan isku dayayaa inaan kuu abuuro farxad iyo kalsamaan.
- Ma isiinaysaa fursadda aan kugula wadaagi karo nolosha?
- Neecaw da’aysiyo nagaad lagu ildoogtaay: utintiyo nitaaqada waa u naafo caashaqa.
- Gabban maayo aniguye; adaan kuu go’ee adna ii garaab.
- Hagaarto nabad iyo naxariis midda aan ifka inta haween ku nool ugu jeclahay. Tii i bartay nolosha iyo qiimaha dadnimada.
- Tii iga saartay dhalanteedka iina saartay dhab ahaanta caashaqa. Ma hilmaamin mana ku gaboodfalin jaceylkaada.
- Waxaan doonayaa inaan la jirkaada ku hilmaamo wax walba oo dhacay. Waan ku jeclahay.
- Dadku way la yaabeen. Si walboon isku kaa hilmaansiiyo, waan kari waayay.
- Kaliya sidee tahay oo aad i dhahdo ayaan kaga bogsan karaa oofta igu dhagan.
- Sharafeey, qalbiga dhaawaca gaaraya wuu i xanuunjinayaa.
- Jaceylkaada ayaa i caddibaya i laxwinaya. Kamana nugli waayo adigaa laabtayda dagay.
- Laabxadayda beerkiyo qalbigaad ka lulatoo, laxawgiina sii koror. Maxaa kaa Lillaahi ah caashaqa ha laline?!
- Sida dhool gu’yoo da’ay dhaayaha u rooneey, wali waan dhursugayaa inaan wada dhammeyno.
- Naf kuu nugul nacab laguma beero.
- Indha caashaq waligood ilmo kama dhamaato. Damqashada jaceylkana dareen gaara weeye.
- Dadna adigaa ugu qurux badan degaanka roobkiyo adigaa doogna ka udgoon.
- Qaali luula nuureey, hadday quruxi wacan tahay ama ay qiimo leedahay, Qaadirkan ku dhaartaye, qarankii hablaha iyo runtii qalanjo waa adiga.
- Haddaan qado anfaacada, adaan kugu qaboobaa.
- Qof xun lama amaano qalad looma heesee, Qureyshtii haweenkaa tahay.
- Sida roob qayoodoo saxansaxo qaboobaad laabtayda qaaday.
- Dumar waa adoo qura dooqna waa kan igu jira. Duntuna igu kaa xiran.
- Runta haddii aan qiro, ruux aan kugu qiyaaso kama qaadin indhaha.
- Caashaqana daadihi waligaa hasii deyn.
- Laabtayda waxaa buuxiyay farxadaada. Niyadayda waxaa camiray quruxdaada. Naftayda waxaa ifiyay dhoolla-caddeyntaada.
- Sagal yaroo da’aayiyo dusha caadku isaga maray, deymada sideedii marka aan ku daawado indhahay daraandara.
- Adigaa hortaa, noloshu waxay ii ahayd sida habeen dayax iyo xiddigo la’aan ah.
- Way adag tahay sida kalsooni loogu dhiso qalbi jaceyl aawadiis u dhaawacmay.
- Ma ogaan kartid qiimaha uu leeyahay waxa aad heysato ilaa aad lumiso.
- Laabtayda adiga ayaa qaatay oo qabbaan ka dhigtay.
Related
2020-05-18
HimiloNetwork Han & Horseed
You must log in to post a comment.