Q8aad: Ereyo iyo Oraahyo Jaceyl xanbaarsan.

  • Niyadsamida jaceylkana waligaa ha naafeyn.
  • Naruuradii kalgacalkiyo halka aad nacab wareentay nabarro ayaa ku yaal.
  • Xuural-ceyntii dunidee daawashada u timidayee, Daa’uus la mood.
  • In kastoo aad nuugtana, kuma naaxdid dherigii nabsi uu dul yaal.
  • Ammaantaada inan yahay in yar baan ka sheegay. Maxaan kuugu asteeyaa Allaa kuu dhameeyee?
  • Dhabtii miyaan dhaqaaqaa, miyaan dhuuni quutaa, dhadhanshaa anfacada, sida labada dhaban iyo dhafoorada aan u heystaa waagu igu dhalaalaa.
  • Diirrimaadka laabtiyo dawadii naftaydaay taan hablaha ka doorteen dareenkaygi siiyaay. Xubno dabacsan ayaad leedahay.
  • Xariirtii Jannada iyo sida xuural-ceyn baad nafta xiisa gelisaa.
  • Waxaa ku diratay hooyadaa; dadnimada kugu beertoo, aabahaana waa dirac ragna doorki weeyaan. Durriyad xalaal ayaad ka dhalatay.
  • Alle hadduu ka dhigo, waxaan dhowrayaa adigoo ii dhaxoo, ubad ii dhaloo, dhimirku ii xasilo.
  • Durdur iyo xareedeey, doog iyo ugbaadeey, dalaalnimada cadarkiyo udugiyo daruureey.
  • Xeerkiisa mudan baa sharaf lagu xurmeeyaa aan xaq dhowrno caashaqa.
  • Anigana adaan noolaha carriga jira kaa caleemo saartay.
  • Ma og tahay indhaha iyo uurkuba daraadaa inay kuu ilmeeyaan kalgaceyl la ooyaan?!
  • Ma og tahay asaagaa iyo inaan eynigaadaba aawadaa u diidoo kaa eegto dunidaba?
  • Waxaa ii bishaaraa ama ii barwaaqaa, Bilan aragtidaada.
error: Mininkeenna moogaanteen mala soo maraayo!!