MUQDISHO (HN) — Qof walba oo doonaya inuu sannadkan ka qeyb galo gudashada Xajka iyo Cumrada waxaa laga rabaa inuu qaato tallaalka Covid-19, dowladda Sucuudiga ayaa ku dhawaaqday.
“Waa waajib iyo lama huraan in xaaji walba oo doonaya gudashada xajka iyo cumrada sannadkan inuu soo qaato tallaalka xanuunka Corona Virus.”
Shaqaalaha caafimaadka iyo holwadeennada ku howlan marti-gelinta xujeyda ayaa la faray inay qaataan tallaalka.
Sannad kasta, malaayiin Muslimiin ah ayaa usoo socdaala Makka si ay u gutaan tiir kamid ah tiirarka Islaamka.
Sannadkii hore, kooxo si gaar ah loo xushay oo ka kooban 1,000 qof ayaa loo oggolaaday gudashada acmaasha Xajka iyada oo loo yeelay faafitaanka Corona.
