crossorigin="anonymous">     crossorigin="anonymous"> Waardiye Masjid oo – si uu u caawiyo dalxiisayaasha – iskiis isku baray 7 luqadood. | HimiloNetwork

Waardiye Masjid oo – si uu u caawiyo dalxiisayaasha – iskiis isku baray 7 luqadood.

Posted by: Himilo in Dunida Muslimka March 17, 2019 0 664 Views

PUTRAJAYA (HN) — Muslim u dhashay dalka Malaysia oo waardiye ka ah Masjidka Putra oo ku yaalla caasimadda labaad ee Putrajaya, dalka Malaysia ayaa iskiis isku baray toddobo luqadood oo aas-aasi ah u ah dadka soo booqda Masjidka.


Mohamad Khairul Azhar Mohd Razali oo la hadlayay warbaahinta ayaa yiri; ‘Bilowga hore way igu adkaan jirtay fahamka ereyada iyo dhawaaqooda intabada, balse markii aan ku celceliyo waxaan arkaa anigoo fariid ku noqda.”

Razali wuxuu sheegay inuu hadda ku tala-jiro barashada afka Filibiinees-ka ah maadaama Muslimiin badan oo ka socda gobalka Mindinao ee Filibiin ay imaanayaan Masjidka.

Markii ugu horreysay oo uu halkan imaanayay, wuxuu kaliya ku hadli karay luqaddiisa Malay-ga ah oo looga hadlo Malaysia. Balse hadda wuxuu fahmi karaa luqado gaaraya toddobo.

Wuxuu inta badan isku dayaa inuu barto ereyada aas-aasiga u ah xiriirka iyo macaamilka si qof walba oo Masjidka yimaada uu afkiisa ugu soo dhaweeyo isaga oo kula hadlaya ilaa markii danbe uu fariid ku noqday.

Putrajaya waa caasimadda dalxiiska iyo dowladda oo howlaheeda maamulka ay usoo wareejisay taniyo markii la dhisay.

Copyright © 2018 | Himilo Network, All Rights Reserved by Tabaarak ICT Solutions
error: Mininkeenna moogaanteen mala soo maraayo!!