Ninka leh ‘Gacmaha Buruska’ oo wax kasta ku jejebiya!

MUQDISHO (HN) — Muhamed Kahrimanovic oo ku nool dalka Jarmalka, waxaa loo yaqaan ninka leh ‘gacmaha buruska’. Wuxuu leeyahay awoodda ama xoogga uu ku jejebin karo laga bilaabo qumbaha ilaa ulaha adag sida bakooradaha.

Wuxuu asal ahaan kasoo jeeda dalka Bosnia, wuxuuna markii uu da’yar ahaa usoo wareegay Jarmalka isaga oo qoyskiisa wehlinaya. Wuxuu baran jiray cayaarta la yiraahdo taekwondo ilaa uu ka gaaray heer aad u sarreeya oo uu isaga macalin ka noqday ugu dambeyntii.

Xirfaddiisa iyo doonista adag ee tababbarkiisa waxay usoo jiiday inuu ku kasbado magaca ninka leh gacmaha buruska. Wuxuuna hadda doonayaa inuu Buugga Dhacdooyinka Dunida ku galo taariikh lama ilaawaan ah oo uu ku muujiyo awoodda uu Ilaahay ku galaday.