crossorigin="anonymous">     crossorigin="anonymous"> Filim-sameeye Malaysian ah oo qaatay diinta Islaamka. | HimiloNetwork

Filim-sameeye Malaysian ah oo qaatay diinta Islaamka.

Kuala Lampur (HN) — Michael Ang, oo ah filim-sameeye caan ah oo u dhashay dalka Malaysia ayaa shaaciyay inuu qaatay diinta Islaamka sannad kahor – isaga oo tilmaamay inuusan rabin dadku inay ku wareeraan marka ay arkaan isaga oo sii galaya Masaajidda si uu ugu dhex cibaadeysto.


“Allaa mahad leh, waxaan ahay qof Muslim ah muddo la joogo sannad, waxaana rabaa inaan u sheego dadka Malaysia islaamnimadayda,” ayuu kusoo qoray bartiisa Instagram-ka.

Ang oo magaciisa oo buuxa la yiraahdo Ang Hai Swee ayaa intaas ku daray: “Waxaan idin kaga cudurdaaranayaa inaan muddo badan idin la wadaagin diintayda cusub, fadlan iisoo duceeya inuu Ilaahay igu sugo dariiqa toosan.”

Filim-soo-saarahan ayaa sidoo kale Islaamnimadiisa wuxuu muuqaal uu iskaga soo duubay soo dhigay bartiisa youtube-ka.

Ang wuxuu sheegay inuu wali baranayo diintiisa cusub, tukashada salaaddana uu goor hore bilaabay.

Malaysia ayaa ah dal ay aqlabiyaddiisu leeyihiin Muslimiinta kuwaas oo ku fadhiya 61% tirada dadweynaha.



error: Mininkeenna moogaanteen mala soo maraayo!!