Fadliga ku jira bisha Shacbaan!!

Muqdisho (Himilonews) – Qof kasta oo Muslim ah waa la garowsan yahay in bisha Shacbaan tahay bil xurmeysan. Bisha Shacbaan waa bil qiima leh. Waxay u dhaxeysaa bilaha Rajab iyo Soon-qaad. Sidaas darteed, waxaa laynagu tirtirsiiyaa inaynu dhexdeeda la nimaadno samafallo suu-suuban.

Hadaba, Himilonews.com, wuxuu idin soo gudbinayaa falalka suu-suuban ee aadka loo amaanay inta lagu guda-jiro Bisha Shacbaan;

1. Soomanaanta bishaan dhexdeeda aad baa loo amaanay gaar ahaan nus bilowga hore ee Shacbaan. Si kastaba, waa inaynu joojinaa soomidda mar alle markii uu Soon-qaad dhalan rabo. Tani waxay baajisaa inay labadooda aanay isku dheehmin.

2. Aqrinta Qur’aanka waa dow kale oo qaayihiisa iska leh. Qaar kamid ah Salaf-kii hore waxay bishan u yaqaaneen bishii Qeybinta Qur’aanka.

3. Joogteynta iyo ku howshoodka xuska Eebe ayaa ah mid sidoo kale aad looga jecel yahay Eebe agtiisa.

4. Waa inaynu qaadanaa waqti hagaagsan oo aan ugu diyaar garowno bisha barakaysan ee Ramadaan oo aan baranaa sida looga dheefsado.

5. Ugu danbeyn, waa inaynu Alle ka cabsiga ugu dadaalnaa sidii dadkii wanaagsanaa uga yaabi jireen Alle kuwaas oo ku duceysan jiray “Eebow; noogu naxariiso bilaha Rajab iyo Shacbaan dheeraadkooda oo na gaarsii bisha Soon-qaad.”

 waxaa qoray; Zakariya Hassan “Hiraal.”