Shirkad – beddelkii Muusiga – Duullimaadyadeeda u daaraysa Qasiido Nabi-amaan ah!

MUQDISHO (HN) — Shirkadda Duullimaadyada ee Pakistan International Airlines (PIA) ayaa go’aansatay inay rakaabkeeda kusoo dhaweyso Nashiidada  Burda Sharif, oo ah mid lagu amaanayo Suubanaha NNKH – halkii lagu soo dhaweyn lahaa muusig dabacsan.

Go’aanka waxaa ku dhawaaqay guddoomiyaha Shirkadda, Marshal Arshad Malik.

Nashiidada waxaa si gaar ah loogu daarayaa duullimaadyada u socda magaalooyinka Jeddah iyo Madiina.

Shirkaddan ayaa aalaaba sameysa ducada safarka duullimaadyada ay dunida ku kala bixiso.