Ninka ugu cidiyaha dheer dunida!

New Delhi, Hindiya (Himilonews) – Ninka aan cidiyihiisa jarin taniyo 1952 ayaa loo aqoonsaday ninka ugu cidiyaha dheer caalamka.
Shridhar Chillal ayaa rasmi ahaan u heysta rikoorka cidiyo dheernimo ee dunida. Celcelis ahaan dhirirka cidiyihiisa ayaa gaaraya 909.6 cm. Cidida suulkiisa oo qura ayaa laba mitir wax sii dheer.
78-jirkan ayaa ku faraxsan halgankiisa uu ku galay buugga dhacdooyinka caalamka ee World Genius Record. Hayeeshe, wuxuu tirsanayaa dhib-yari gaar ahaan xilligii dhalinyaranimadiisa.
“Markii aan rabay inaan guursado, qofna diyaar uma aheyn guurkayga. Waxaan haasaawe wadaagnay wax ka badan 12–gabdhood,” ayuu yiri.
“Hadday gabadhuhu i ogolaadaan waxaa diidi jiray waalidka. Hadduu waalidku ila doonana waxaa i diidi jiray gabdhaha iyaga oo i dhahaya; waxaa tahay wax laga naxo.”
cid2 cidi1
Sal ahaan, dhibaatooyin ayaa kusoo wajahay doc kasta oo noloshiisa kamid ah.
Qoyskiisu marna lama aysan dhacsaneyn inuu sidaan noloshiisa ku qaato. Qofna diyaar uma aheyn xitaa inuu kaalmo weydiisto.
“Xittaa dharkayga anigaa dhaqan jiray,” ayuu yiri.
Helidda shaqo ayaa sidoo kale ku adkeyd maadaama qofna uusan la dhacsaneyn inuu shaqaaleysiiyo.
Mahad-naq ayaase uga sugnaatay hal-adeygnimadiisa. Ugu danbeyn wuu gaaray yoolkiisa. Wuxuu rikoor ku galay cidiyihiisa korayay taniyo caruurnimadiisa.
“Waan uga sheekeyn karaa hadda qof kasta inaan ahay rikoor-hayaha cusub ee cidiya-dheerida caalamka,” ayuu yiri.
“Markii aan socdaalayo, dadku way ii garanayaan inaan ahay rikoor-hayaha World Genius Record.”
Isha: Himilonews.com
Nagala soo xiriir: Himilonews@gmail.com
error: Mininkeenna moogaanteen mala soo maraayo!!