Jilaaga Will Smith oo hadyad lama filaan ah usoo diray Da’yar Muslim ah.

MUQDISHO (HN) — Mamadou Safaiou Barry, oo ah arday Muslim ah oo socdaal lugta ah kaga soo anba-baxay dalka Gini kuna yimid Masar si uu wax uga barto jaamacadda  Al-Azhar ayaa hambalyo iyo hadyad lama filaan ah ka helay jilaaga reer Maraykan ee Will Smith.

Muuqaal kooban oo barta Smith oo Youtube-ka ku leeyahay lasoo dhigay ayaa la arkayaa Mamadou oo si farxad badan u guddoomaya hadyadda uu ka helay jilaagan – isaga oo u raacinaya: “dhammaan waan wada daawadaa filimadaada waana jeclahay.”

“Runtii ma aqaan si aan kuugu mahadceliyo, wallahi,” ayuu yiri sida ay kusoo warramayso BBC.

Muuqaal fiidiyow ah oo labadooda ay wadaageen ayuu Smith ku yiri: “Aad bay ii taabatay geesinimadaada iyo dhabar-adeyga aad leedahay ee horay usii joogteey dadaalkaada.”

Smith ayaa hadyad ahaan ugu soo diray Mamadou -baaskiil ama bushkuleeti iyo kumbuyuutar labtop ah.

4000 oo kilomitir ayuu da’yarkan Muslimka ah usoo jaray si uu wax uga barto Jaamacadda Al-Azhar oo ku taalla Masar. Waana 25 jir kasoo jeeda qoys danyar ah.