MUQDISHO (HN) — Sannadkan wuxuu Xajka dhadhan ka duwan saddexdii sannadood ee lasoo dhaafay u sameynayaa Muslimiinta gaar ahaan xujeyda nasiibka u yeelatay inay sannadkan xaadiraan – sababtuna waa in labadii sannadood ee lasoo dhaafay oo xanuunka Covid-19 ee faafaya awgiis tirada aadaysa aad loo yareeyey.
Afar ayeeyood oo u dhashay dalka Morooco ayaa sannadkan kamid ah xujeyda. Waxaana u romowday riyo nololeed ay gu’yaal badan ku taami jireen. Waxay da’doodu u dhaxaysaa 65 – 82 jir, waxayna si joogto ah usoo codsan jireen ka qeybgalka xajka sannadihii lasoo dhaafay laakiin uma suuragalin.
Sannadkan waxay heleen jawaab muddo badan ay sugayeen, waxaana lagu wargeliyay inay heleen dal-ku-galka Sucuudiga si ay usoo xajiyaan.
“Kini dhaaxaa ayaan sugeynay maalintan,” ayay u sheegeen warfaafinta iyaga oo ku sugan gegida diyaaradaha ee Marooko.
Afartuba waxay kamid yihiin boqollaalka Morooko ka imaanaya ee sannadkan u yimid inay gutaan acmaasha xajka iyo cumrada.
