“Xabsiga i dhiga ‘ma rabo’ xurriyadda bannaanka”!

MUQDISHO (HN) — Nin 60 jir ah oo u dhashay dalka Spain ayaa sheegay inuu qadyaan ka joogo kelinimo iyo walbahaar uga yimid ama uu ka qaaday xaalado caafimaad-darro ah. Wuxuuna codsanayaa in loo oggolaado nolosha xabsiga. Waayo, ayuu yiri, ma doonayo inaan wax dambi ah geysto!

Justo Márquez, wuxuu kasoo jeeda gobalka Qarnaada wuxuuna hortaagnaa xabsiga Alhaurín maalmo badan – isaga oo quudaraynaya inuu gudaha xabsiga la dhigo. Waxaa lasoo sawiray isaga oo sita boor ay ku qoran tahay — waxaan doonaya xabsiga inaan galo! Wuxuu warfidiyeenka u sheegay inuu ilaalada xabsiga dhowr jeer la hadlay una bandhigay codsigiisa balse lagu gacanseyray!

Márquez waxaa lagu soo warramay inuu la xanuunsanayo kansarka, wadne-xanuunka iyo walbahaarka iyo isku buuqsanaan, wuxuuna ka didayaa inuu kelinimo joogo 24-kii saac maalin walba. Sidaas darteed, wuxuu xabsiga u arkaa meel uu ku heli karo wehel oo u dhaanta xurriyadda bannaanka.