Masjid ‘sariiro’ ugu deeqaya isbitaalka degmada.

MUQDISHO (HN) — Tallaab loo riyaaqay aadna loo jecleystay ayuu ku dhaqaaqay Masjidka Middlesbrough Central kaddib markii uu isbitaalka magaalada ugu deeqay shan sariirood oo la jiifiyo bukaannada.

Mas’uuliyiinta isbitaalka James Cook University Hospital, waxay u ahayd wax u ahayd wax weyn deeqdan waxayna ugu timid waqtigii ay ugu baahida badnaayeen maadaama ay wajahayeen yaraanshiyo dhanka sariiraha ah.

Gohan Ihsan Mir, oo ah maamulaha Masjidka, ayay ka timid aragtida ah in deeqdan la gaarsiiyo isbitaalka markii uu aqoonsaday xaaladda adag ee jirta.

Maamulka iyo howlwadeennada isbitaalka ayaa muujiyay sida ay ugu faraxsan yihiin deeqdan ay soo gaarsiiyeen jamaacada Masjidka Middlesbrough.

“Muslimku waa kii gargaara oo ka shaqeeya u samafalka dadkiisa gaar ahaan kuwa danyarta ah ee kaalmadiisa u baahan,” ayuu yiri.