HimiloNetwork Han & Horseed
BANBURY (HN) – Qoysaska danyarta ah ee ku nool magaalada Banbury ee dalka UK ayaa hadda kadib helaya ilo sugan oo ay isku haleyn karaan marka ay baahdaan – waayo Masjidka magaalada ayaa sameynaya Bangi lagu keydiyo cunnada.
“Waxaan rabnaa inaan in badan danyarta caawino, Masjidkuna wuxuu sameynayaa wax walba oo karaankiisa ah si uu hadafkaas u gaaro,” ayay tiri Yasmin Khaduji.
Khaduji ayaa hir-gelisay Mashruuc firinjiyeerrada lagu keydinayo cunnada bisil iyo kuwa ay kusoo deeqaan maqaayadaha iyo supermarket-yada. Inta badan adeeggani wuxuu qabsoomi doonaa toddobaadle siiba maalinta Sabtida ah maadaama Bangiyada kale ee cuntada aysan furneyn.
Qof walba oo baahi u qaba cunno uu qaato wuxuu xaq u leeyahay inuu soo booqdo Masjidka si uu Bangiga ugala baxo cunnooyinka uu reerkiisa iyo naftiisa ku haqabtiro.
You must log in to post a comment.