Xuska Toddobaadka Macalinka iyo doorka Bulshada

Muqdisho (Himilonews)  – Bilowga Toddobaadka soo socda oo ku beegan 21th November oo ah maalinta Macalinka Soomaaliyeed, waa maalin la xuso wax-qabadka macalinku ugu fadhiyo bulshada Soomaaliyeed–la iskuna baraarujiyo doorka dhumucda leh ee uu ku leeyahay horumarka iyo baraaraha umadda.
Hadaba, Himilonews.com, waxay ugu baaqaysaa qeybaha bulshada inay isku baraarujiyaan kaalinta macalinku ku leeyahay bulshada–taas oo sidii looga baahnaa inaan loo maamuusin sanad kasta.
Hal-ku-dhigga sanadkan ee mareegta Himilonews.com wuxuu noqonayaa; “Halka uu Baruhu bulshada kaga jiro ayuu baraaraheedu ku xiran yahay ee aynu kor-yeelno qiimaha Barayaasheenna.”
Sidoo kale waxaa iyadna xusid mudan in–in-kasta oo aan abaalkiisa la gudi karin–aad hadana xusuustiisa ku reebi karto inaad u sama-fasho. Sama-falka ugu habboon oo aad u niyoon karto barahaaga waa adiga oo geed u beera–si uu ugu noqdo sadaqul-Jaariyah.
Maamulka iyo shaqaalaha, Himilonews.com, waxay isla howshaas geed beerista ah ka bilaabaysaa guri kasta oo shaqaalaha mareegta kamid ah si–dhinaceeda ay uga weyneyso qiimaha Baraha Soomaaliyeed.
images (2) images (3) images (1) images
Isha: Himilonews.com.
Nagala soo xiriir: Himilonews@gmail.com
error: Mininkeenna moogaanteen mala soo maraayo!!